ಜನವಾಹಿನಿ NEWS ಊಟಿ : ಸಂಸಾರ ನಡೆಸಲು ಬರಲು ನಿರಾಕರಿಸಿದ ಪತ್ನಿಯನ್ನು ಸಮಾಧಾನಪಡಿಸಲು ಯತ್ನಿಸಿದ ಪತಿ, ನಂತರ ಆಕೆಯನ್ನು ತನ್ನ ಕಾರಿನಲ್ಲಿ ಕರೆದೊಯ್ದಿದ್ದಾನೆ. ದಾರಿಯಲ್ಲಿ ಮತ್ತೆ ಇಬ್ಬರ ನಡುವೆ ಹೆಚ್ಚಾಗಿದ್ದು, ಈ ಸಂದರ್ಭ ಪತ್ನಿಯ ಮುಖದ ಮೇಲೆ ಮೆಣಸಿನ ಪುಡಿ ಎರಚಿ, ಮಚ್ಚಿನಿಂದ ಆಕೆಯ ಕಾಲುಗಳನ್ನು ಕ್ರೂರವಾಗಿ ಕತ್ತರಿಸಿರುವ ಆಘಾತಕಾರಿ ಘಟನೆ ನೆರೆಯ ತಮಿಳುನಾಡುವಿನ ನೀಲಗಿರಿ ಜಿಲ್ಲೆಯ ಪಂದಳೂರು ಬಳಿ ನಡೆದಿದೆ.
ಕೇರಳ ಕಣ್ಣೂರು ಮೂಲದ ಕುಂಜಿರಾಮನ್ ಎಂಬುವರರ ಮಗ ಸಿಜು ನೆರೆಯ ಕರ್ನಾಟಕ ರಾಜ್ಯದ ಕೊಡಗು ಜಿಲ್ಲೆ ವಿರಾಜಪೇಟೆ ವ್ಯಾಪ್ತಿಯ ಜಯಮೇರಿ ಎಂಬುವವರ ಪುತ್ರಿ ಮಲ್ಲಿಕಾ ಎಂಬ ಮಹಿಳೆಯನ್ನು ವಿವಾಹವಾಗಿ ಕಳೆದ ಐದು ವರ್ಷಗಳಿಂದ ಸಂಸಾರ ನಡೆಸಿಕೊಂಡು ಬಂದಿದ್ದು, ಇಬ್ಬರು ಮಕ್ಕಳನ್ನು ಹೊಂದಿದ್ದಾರೆ. ಆದರೆ ಇವರಿಬ್ಬರ ನಡುವೆ ಆಗಾಗ್ಗೆ ಕೌಟುಂಬಿಕ ಕಲಹಗಳು ನಡೆಯುತ್ತಿದ್ದವು ಎನ್ನಲಾಗಿದೆ. ಗಂಡನ ಮೇಲೆ ಕೋಪಗೊಂಡ ಮಲ್ಲಿಕಾ, ನೀಲಗಿರಿ ಜಿಲ್ಲೆಯ ಪಂದಲೂರು ಪ್ರದೇಶದಲ್ಲಿರುವ ತನ್ನ ಸಂಬಂಧಿಕರ ಮನೆಗೆ ತೆರಳಿ ಅಲ್ಲಿ ತಾನು ಜೀವನ ನಡೆಸಲು ಮಾರ್ಗ ಕಂಡುಕೊಳ್ಳುವ ಉದ್ದೇಶದಿಂದ ಬ್ಯೂಟಿಷಿಯನ್ ತರಬೇತಿಗೆ ಹೋಗುತ್ತಿದ್ದಳು ಎಂದು ಹೇಳಲಾಗಿದೆ.
ಹಲವು ದಿನಗಳ ಬಳಿಕ ಪಂದಲೂರಿಗೆ ಆಗಮಿಸಿದ ಬಿಜು, ತನ್ನ ಪತ್ನಿ ಮಲ್ಲಿಕಾಳೊಂದಿಗೆ ಸಮಾಧಾನದ ಮಾತುಗಳನ್ನಾಡಿ, ಇನ್ನು ಮುಂದೆ ಜಗಳವಾಡದೆ ಕುಟುಂಬವ ಮುಂದುವರೆಸುವ ಎಂದು ಹೇಳಿ, ತನ್ನ ಕಾರಿನಲ್ಲಿ ಕೇರಳಕ್ಕೆ ಕರೆದೊಯ್ದಿದ್ದಾನೆ.
ಪಂದಲೂರು ಪ್ರದೇಶದಿಂದ ಕೇರಳದ ಕಡೆಗೆ ಕಾರು ಸಾಗುತ್ತಿದ್ದಾಗ, ಗಂಡ ಹೆಂಡತಿಯ ನಡುವೆ ತೀವ್ರ ವಾಗ್ವಾದ ನಡೆದಿದ್ದು, ಮಲ್ಲಿಕಾ ತನ್ನೊಂದಿಗೆ ಅಥವಾ ತನ್ನ ಊರಿಗೆ ಬರಲು ನಿರಾಕರಿಸಿದ್ದರಿಂದ ಕೋಪಗೊಂಡ ಬಿಜು, ಕಾರನ್ನು ನಿರ್ಜನ ಪ್ರದೇಶದಲ್ಲಿ ನಿಲ್ಲಿಸಿ ಇದ್ದಕ್ಕಿದ್ದಂತೆ, ತನ್ನ ಪತ್ನಿ ಮಲ್ಲಿಕಾಳ ಮುಖದ ಮೇಲೆ ಅಡಗಿಸಿಟ್ಟಿದ್ದ ಮೆಣಸಿನ ಪುಡಿಯನ್ನು ಎರಚ್ಚಿದ್ದಾನೆ. ಮಲ್ಲಿಕಾ ಕಿರಿಕಿರಿಯಿಂದ ಕಿರುಚಿದಾಗ, ಸಿಜು ತನ್ನಲ್ಲಿದ್ದ ಮಚ್ಚನ್ನು ಹೊರತೆಗೆದು ಮಲ್ಲಿಕಾಳ ಎರಡೂ ಕಾಲುಗಳನ್ನು ಕ್ರೂರವಾಗಿ ಕತ್ತರಿಸಿದ್ದಾನೆ. ಘಟನೆಯಲ್ಲಿ ಆಕೆಗೆ ಗಂಭೀರ ಗಾಯವಾಗಿದ್ದು, ಕಿರುಚಾಡಿದ್ದಾಳೆ.
ಮಲ್ಲಿಕಾಳ ಕಿರುಚಾಟ ಕೇಳಿ ಸ್ಥಳೀಯರು ಓಡಿ ಬಂದದ್ದನ್ನು ಕಂಡ ಬಿಜು ಸ್ಥಳದಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದನು. ಆದರೆ, ಸಾರ್ವಜನಿಕರ ಸಹಾಯದಿಂದ ಪಂದಲೂರು ಪೊಲೀಸರು ಸಿಜುನನ್ನು ಹಿಡಿದು ಬಂಧಿಸಿ ಪ್ರಕರಣ ದಾಖಲಿಸಿದ್ದಾರೆ ಎಂದು ತಿಳಿದುಬಂದಿದೆ.
ಕಾಲು ತುಂಡಾಗಿ ರಕ್ತದ ಮಡುವಿನಲ್ಲಿ ಜೀವನ್ಮರಣ ಹೋರಾಟ ನಡೆಸುತ್ತಿದ್ದ ಮಲ್ಲಿಕಾಳನ್ನು ಪೊಲೀಸರು ರಕ್ಷಿಸಿ, ತಕ್ಷಣ ಊಟಿ ಸರ್ಕಾರಿ ಜನರಲ್ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಿದ್ದು, ಅಲ್ಲಿ ಆಕೆಗೆ ತೀವ್ರ ಚಿಕಿತ್ಸೆ ನೀಡಲಾಗುತ್ತಿದೆ.
ಪೊಲೀಸರು ನಡೆಸಿದ ಆರಂಭಿಕ ವಿಚಾರಣೆಯಲ್ಲಿ, ಬಂಧಿತ ಬಿಜು ಆಘಾತಕಾರಿ ಮತ್ತು ವಿಚಿತ್ರವಾದ ತಪ್ಪೊಪ್ಪಿಗೆಯನ್ನು ನೀಡಿದ್ದಾನೆ. “ನನ್ನೊಂದಿಗೆ ಸಂಸಾರ ನಡೆಸಲು ಬರುವ ಬದಲು ಪಂದಲೂರಿನಲ್ಲಿ ವಾಸಿಸುತ್ತಿದ್ದ ನನ್ನ ಹೆಂಡತಿ ಕನಿಷ್ಠ ತನ್ನ ಕಾಲುಗಳನ್ನು ಕತ್ತರಿಸಿ ಅಂಗವಿಕಲಳನ್ನಾಗಿ ಮಾಡಿ ನನ್ನೊಂದಿಗೆ ಹಳ್ಳಿಗೆ ಕರೆದೊಯ್ಯಬಹುದೆಂದು ನಾನು ಭಾವಿಸಿದೆ. ಅದಕ್ಕಾಗಿಯೇ ನಾನು ಈ ನಿರ್ಧಾರವನ್ನು ತೆಗೆದುಕೊಂಡೆ” ಎಂದು ಅವನು ಪೊಲೀಸರಿಗೆ ತಿಳಿಸಿದ್ದಾನೆ. ಈ ಭೀಕರ ಘಟನೆಯು ನೀಲಗಿರಿ ಮತ್ತು ಗಡಿ ಪ್ರದೇಶದ ಜನರಲ್ಲಿ ತೀವ್ರ ಆಘಾತವನ್ನುಂಟು ಮಾಡಿದೆ.
